Audioguía

Museo Casa de Bonecas de Monforte

Esta colección privada componse de 24 pezas a escala 1/12, entre casas e ambientes, decoradas e amobladas ata o último detalle, onde o visitante poderá admirar o minucioso traballo dos artesáns.

Josela Fernández e Francisco García-León son os artesáns creadores destas reproducións de edificios de diferentes estilos, e onde cada peza ten a súa razón de ser e o seu significado. Desde as tradicionais casas vitorianas, ata patios andaluces ou a reprodución de distintas estancias do monfortino Pazo Molinos de Antero, na visita Josela explicaranos todos os detalles.