Distancia do percorrido
82,3 km
Tempo do percorrido
1 día
Comezo
Monforte de Lemos
Chegada
Monforte de Lemos
Galería
Galería

Ruta da Ribeira do Miño (Saida dende Monforte)

Percorridos históricos Percorridos enolóxicos Percorridos ambientais En coche

Coñece os tesouros escondidos do románico na Ribeira do Miño . Podes empezar por un lugar tan especial como o Mosteiro Circense do Divino Salvador, o único mosteiro na Ribeira Sacra que mantén a vida monacal.

Partindo de Monforte , tomaremos a antiga N-120 até Ferreira de Pantón, onde visitaremos o mosteiro das Bernardas tras admirar a igrexa de San Miguel de Eiré, a só tres quilómetros.

Continunando en dirección Escairón (O Saviñao) colleremos unha desviación para visitar a igrexa de San Martiño da Cova, nunha fermosa paraxe. Desde aí seguiremos en dirección Escairón até tomar o Corredor Rápido en dirección Chantada.

Chegando ao Miño debemos estar atentos á indicación do lugar de Belesar.Alí poderemos coller o catamarán e despois achegarnos a Chantada.

Tras a visita e paseo polo casco antigo de Chantada, o retorno a Monforte farémolo polo mesmo corredor rápido, podendo parar nas igrexas románicas de Santo Estevo de Ribas de Miño e San Paio de Diomondi, gozando das fermosas vistas no primeiro dos montes frondosos de Diomondi. Estas son só algunhas das moitas igrexas e mosteiros presentes nestes concellos do sur de Lugo.

Para visitalos debemos coller desvíos ben sinalizados que pouco nos apartan da estrada principal, volvendo comodamente a Monforte.

Un lugar onde a paz e a calma son os protagonistas

Trátase do único mosteiro na Ribeira Sacra que mantén a vida monacal e que ademais mantivo a súa función dende a súa fundación ata a actualidade. A día de hoxe só o habitan monxas da orde cisterciense, cuxa vida a dedican á oración, o repouso e ao traballo.

Declarada Monumento Nacional en xuño de 1964

Un dos exemplares máis interesantes do románico da Ribeira Sacra e de Galicia é, sen dúbida, a igrexa de San Miguel, coñecida popularmente como “O Mosteiro”.

No famoso meandro de Cabo do Mundo, alberga importantes pinturas murais no interior

Actualmente só se conserva a igrexa románica. Foi Mosteiro de cóengos regulares de San Agustín entre os séculos XIII e XIV. Aparece como priorado dependente da catedral do Lugo, suprimido en 1824 e posteriormente relegada a actual igrexa parroquial despois de poxarse os seus bens coa Desamortización de Mendizábal. 

Entre o Canón do Miño e a Dorsal Galega co Monte Faro como cume

Entre o Canón do Miño e a Dorsal Galega co Monte Faro como cume, destaca o seu fermoso casco antigo e os numerosos exemplos de románico da localidade. 

Unha das xoias do románico da Ribeira Sacra

As primeiras fontes que se coñecen sobre este antigo mosteiro refírense a un inventario da Mitra de Lugo do século XII, sendo doazón, segundo aquí consta, de Dona Urraca Fernández.

Declarada Monumento Nacional no ano 1931

Un epígrafe no interior do tímpano da porta principal sinálanos a data de 1170. As primeiras fontes documentais remítennos ao século VIII, aparecendo o bispo Odoario. Fernando II e Afonso IX tamén beneficiarán con doazóns e privilexios ao mosteiro, sendo confirmadas por papas como Alejandro III e Lucio III. Na actualidade depende do Bispado de Lugo e exerce como igrexa parroquial , tras ser restituída ao bispado nunha ocasión polo rei Fernando III en 1231. Sendo esta, principios do século XIII, a data do seu remate.

Monforte é unha cidade con importantes monumentos, museos, servizos  e centros de interese

¿Sabías que o chamado Escorial de Galicia está en Monforte? Esta é unha das moitas sorpresas que che agardan aquí, porque Monforte é unha cidade con importantes monumentos, museos, servizos e centros de interese

Accesibilidade

En coche
En bicicleta

Paisaxes polo Miño