Centro de Interpretación de Ribeira Sacra

Situado no edifico prioral que forma parte do conxunto de San Pedro de Rocas mostra unha exposición dividida en dúas plantas: na superior explícanse os oficios tradicionais da zona como os afiadores, augardenteiros, cordeleiros ou oleiros; e noutra sala amósase o mundo do viño de Ribeira Sacra.

A parte inferior queda reservada á interpretación da vida monacal no mosteiro, a paisaxe de Ribeira Sacra e a historia do lugar.