Os camiños de Santiago

Na súa peregrinación a Santiago de Compostela os peregrinos atravesan a Ribeira Sacra empregando algún dos Camiños de Santiago que percorren este territorio. Por un lado o Camiño Francés que cruza os Concellos de Portomarín e Paradela. Polo outro, o Camiño de Inverno, que percorre o Canón do Sil e as Ribeiras do Miño.

No S. IX descóbrese a tumba de Santiago o Maior nun punto do noroeste peninsular e constrúese unha pequena igrexa nese lugar. Pouco máis de cen anos despois comezan a chegar os primeiros peregrinos europeos a Compostela. Finalmente, no S. XI, Santiago consolídase como centro de peregrinación internacional e comezan a establecerse pouco a pouco as rutas que hoxe en día coñecemos.

O Camiño Francés é sen dúbida o itinerario xacobeo con maior tradición histórica, pasando no noso caso polos Concellos de Paradela e Portomarín.

No caso do Camiño de Inverno, este recorre o Canón do Sil e as ribeiras do Miño, entrando por Quiroga e abandonándonos por Chantada. Era o percorrido empregado na idade Media polos peregrinos durante o inverno.

Coñece os dous camiños que pasan por estas terras