Audioguía

Centro do Viño Ribeira Sacra

Situado nun edificio histórico do século XVIII e que anteriormente foi hospital, casino e incluso Concello.

Distribúese en diversas salas en torno a un patio central, que amosan unha exposición interactiva deseñada para lograr que o visitante comprenda as peculiaridades dos viños e o cultivo de viñedos en Ribeira Sacra.

O Centro tamén actúa como oficina de turismo da comarca e ten anexa unha viñoteca cunha gran selección de viños D.O. Ribeira Sacra así como todo o necesario para gozalos. Ademais complementase cunha tapería na que degustar os viños acompañados de gastronomía da zona.

Actualmente acolle tamén a sede do consello Regulador da Denominación de Orixe Ribeira Sacra.