A Caída da Folla 2026

O outono chega a Ribeira Sacra e, con el, unha nova edición de A Caída da Folla. Descobre as primeiras actividades e permanece atento/a: proximamente haberá novas propostas.

Máis información no teléfono +34 638 823 592 ou no correo electrónico turismo@ribeirasacra.org

Actividades de carácter promocional con prezos patrocinados con cargo ao Convenio coa Axencia de Turismo de Galicia 2026.

SÁBADO, 11 OUTUBRO

 Cestas e ao bosque! (Portomarín e Paradela) PRAZAS ESGOTADAS. Macrolepiotas, lactarius, boletus... imos ao monte en busca de cogomelos, para coñecelas, distinguilas e colleitar as máis saborosas. E, ademais de recollida, haberá menú degustación. Bo proveito!

Prezo: 15 € / Horario: de 10:00 a 19:00 horas / Inclúe tentempié a media mañá e xantar; taller de micoloxía (unhas 4 horas); saída ao campo para actividade micolóxica (unhas 3 horas); navalla; miniguía de peto (cogomelos) e sorteo de obsequios / Punto de encontro: Restaurante Adega das Cabanas (Portomarín)


DOMINGO, 18 OUTUBRO 

Crea os teus propios perfumes naturais (San Xoán de Río) PRAZAS ESGOTADAS.  Descobre como combinar aceites esenciais para crear aromas únicos e aprende as bases da perfumería natural de forma práctica. Aprenderás a seleccionar e combinar os aceites esenciais, entender as notas olfativas e as proporcións e construír aromas equilibrados que teñan sentido. E levaraste á casa as túas 3 creacións (perfume en roll-on, en spray e sólido).

Prezo: 6 € / Horario: de 11:00 a 14:00 horas / Inclúe monitor taller, materiais necesarios, dossier explicativo e xantar saudable / Punto de encontro: Concello San Xoán de Río.


SÁBADO,  24 OUTUBRO

 Monte Faro: entre lendas e estrelas (Chantada). APRAZADA. ABRIRANSE RESERVAS CON NOVA DATA PROXIMAMENTE. Descubre a maxia do Monte Faro nunha experiencia que combina natureza, lendas e astronomía. Comezaremos explorando o seu valioso patrimonio natural e as historias e misterios que agocha este lugar tan especial nun roteiro de uns 3 km. Ao solpor, gozaremos dun  sinxelo pícnic en plena natureza antes de dar paso a unha fascinante observación astronómica guiada polo prestixioso astrofísico Borja Tosar.

Contemplaremos a Lúa Chea e Saturno a través do telescopio e descubriremos os segredos das estrelas e das constelacións. Comentaremos novidades da astrofísica e conversaremos sobre as preguntas que nos esperta o universo.

Prezo: 6 € / Horario: de 17:30 a 22:00 horas / Inclúe guía oficial, actividade de observación con astrofísico e un pequeno ágape / Punto de encontro: Miradoiro do Monte Faro (Chantada)
 

DOMINGO,  25 OUTUBRO

 Cestas e ao bosque! (O Pereiro de Aguiar). PRAZAS ESGOTADAS. Macrolepiotas, lactarius, boletus... imos ao monte en busca de cogomelos, para coñecelas, distinguilas e colleitar as máis saborosas. E, ademais de recollida, haberá menú degustación. Bo proveito!

Prezo: 15 € / Horario: de 10:00 a 19:00 horas / Inclúe tentempié a media mañá e xantar; taller de micoloxía (unhas 4 horas); saída ao campo para actividade micolóxica (unhas 3 horas); navalla; miniguía de peto (cogomelos) e sorteo de obsequios / Punto de encontro: Santa Baia (O Pereiro de Aguiar)

 

DOMINGO, 1 NOVEMBRO

Entre fervenzas e minas: os tesouros do Xeoparque (Quiroga e Ribas de Sil). Descubre a extraordinaria riqueza natural, xeolóxica e mineira do Xeoparque do Courel nunha experiencia que combina sendeirismo, paisaxes sorprendentes e historia.

Percorreremos carreiros entre soutos e bosques de ribeira para descubrir dúas auténticas xoias naturais: a Fervenza do Pombar, coa súa impresionante poza, e a Fervenza da Pedriña, unha espectacular fervenza de 12 metros de altura.

A nosa viaxe continuará ata as antigas minas de Vilarbacú, un importante xacemento de antimonio cuxas ruínas nos permitirán coñecer o pasado mineiro da zona e descubrir as historias que aínda gardan estes lugares.

Unha xornada para gozar da natureza, descubrir paisaxes agochadas e comprender como a xeoloxía e a historia modelaron este territorio único.

Prezo: 15 € / Horario: de 9:30 a 16:00 horas / Inclúe traslados en microbús, monitor especializado e almorzo ao rematar a ruta/ Ruta de 5,5 km, con tramos de dificultade media e baixa / Punto de encontro: CIMAR (Centro de Interpretación da Minaría Aurífera, Ribas de Sil).


SÁBADO, 1 NOVEMBRO 

Cestas e ao bosque! (A Pobra do Brollón). PRAZAS COMPLETAS. Macrolepiotas, lactarius, boletus... imos ao monte en busca de cogomelos, para coñecelas, distinguilas e colleitar as máis saborosas. E, ademais de recollida, haberá menú degustación. Bo proveito!

Prezo: 15 € / Horario: de 10:00 a 19:00 horas / Inclúe tentempié a media mañá e xantar; taller de micoloxía (unhas 4 horas); saída ao campo para actividade micolóxica (unhas 3 horas); navalla; miniguía de peto (cogomelos) e sorteo de obsequios / Punto de encontro: Albergue Municipal A Pobra do Brollón

--

PRÓXIMAMENTE, MÁIS ACTIVIDADES…

--

INFORMACIÓN IMPORTANTE: 

O número de prazas dispoñibles por actividade é de 15. A realización das mesmas está garantida a partir dun mínimo de 6 prazas.

Todas as actividades inclúen guías ou monitores especializados.

NON SE ADMITEN CAMBIOS NIN DEVOLUCIÓNS unha vez realizada a reserva e pago da mesma, salvo que a actividade sexa cancelada por parte do Consorcio de Turismo.

O programa está suxeito a modificacións ou cancelacións, especialmente se a actividade se ve afectada polas condicións meteorolóxicas. Recoméndase consultar información actualizada na Web ou chamar ao teléfono de contacto.

Actividades de carácter promocional con prezos patrocinados con cargo ao Convenio coa Axencia de Turismo de Galicia 2026.

 

MÁIS INFORMACIÓN: turismo.ribeirasacra.org | turismo@ribeirasacra.org | +34 638 823 592 

RESERVAR