Últimas novas

O Consorcio de Turismo retoma no verán de 2026 o servizo de transporte en autobús lanzadeira a algúns dos principais recursos do destino, como medida para evitar posibles problemas de aparcamento así como facilitar o acceso a embarcadoiros, mosteiros ou áreas de lecer con elevada afluencia de visitantes, como a Praia da Cova.

O programa de apertura de igrexas románicas prolóngase durante o verán en sete templos de Ribeira Sacra, grazas ao compromiso dos concellos participantes e coa colaboración da Diocese de Lugo e do Consorcio de Turismo Ribeira Sacra. As reservas abriranse o 1 de xullo, nesta mesma dirección web.  

O mes de xullo chega cargado de propostas para desfrutar de Ribeira Sacra: citas gastronómicas, festas patronais, festivais de música ou grandes eventos deportivos conforman a programación dun mes repleto de plans para todos os gustos.

O próximo 12 de agosto de 2026 terá lugar un acontecemento astronómico excepcional: unha eclipse total de Sol visible desde boa parte da península Ibérica e Galicia será o primeiro territorio de España desde o que poderá contemplarse este fenómeno, que coincidirá coas últimas horas da tarde.

Música, gastronomía, VinoRutas e actividades destinadas a todos os públicos na quinta edición do Festival do Viño de Ribeira Sacra de Monforte, que terá lugar do 3 ao 5 de xullo de 2026 no Paseo do Malecón de Monforte de Lemos.

O Consorcio de Turismo Ribeira Sacra impulsa un Laboratorio de Experiencias Turísticas para testar novas propostas vinculadas á cultura, á natureza, á auga, á creación artística e á produción local.

O Consorcio de Turismo Ribeira Sacra, en colaboración coa Diocese de Lugo, dá continuidade este ano ao programa piloto para a apertura dunha selección de igrexas románicas. Esta iniciativa, posta en marcha o pasado ano, mantense co obxectivo de seguir avanzando cara a unha solución sostible a medio e longo prazo, adaptable en función dos resultados obtidos e da valoración das persoas visitantes.