Camiño de Inverno - Etapa Quiroga - Monforte
A cuarta etapa do Camiño de Inverno é a que se inicia en Quiroga e chega ata Monforte, atravesando o municipio da Pobra do Brollón. Conta cunha lonxitude total de 33 quilómetros e unha dificultade de moderada a elevada, ao ascender desde as beiras do Sil ata Monforte.
Esta etapa lévanos nos inicios cara á conca do río Lor e ascendemos 7 km ata o municipio da Pobra do Brollón, onde poderemos visitar o Castro de San Lourenzo en Cereixa.
En poucos quilómetros divisaremos a vila de Monforte de Lemos, realmente veremos o monte de San Vicente coroado pola Torre da Homenaxe vixiando todo o val de Lemos. Aquí poderemos visitar o Conxunto monumental de San Vicente do Pino, o Colexio da nosa Señora da Antiga coa súa Pinacoteca onde poderemos ver dous cadros do Greco, San Lorenzo e San Francisco e cinco táboas de Andrea do Sarto.
Ver mapa interactivo