Cómo chegar 
Mosteiro de San Vicente do Pino
Sobre a chaira de Monforte de Lemos álzase un pequeno monte dende o que é posible dominar toda a súa extensión. Ese foi o lugar elixido no século X para a edificación que máis adiante daría orixe ao actual Mosteiro. Tamén se conta que esta era a ubicación do coñecido Castro Dactonio, da tribu celta dos Lemavos, recollido polos historiadores Ptolomeo e Plinio o Vello.
A construción do actual edificio do Mosteiro de San Vicente do Pino data do século XVI, se ben existen referencias as súas orixes no século X. No momento da súa construción, este adheriuse a Congregación de Valladolid. Posúe un estilo neoclásico e conta con tres alturas, destacando na súa fachada as columnas de tipo dórico.
No interior do mosteiro atopámonos cun patio que a través de canles e a súa inclinación, deseñouse para recoller a auga da chuvia e almacenala nun alxibe subterráneo, facilitando o subministro de auga en todo o complexo. O mosteiro foi abandonado durante a desamortización e a principios do século XX volveu a ser habitado por monxes procedentes do mosteiro de Samos, abandonándoo nos anos oitenta. Máis tarde reconverteuse en Parador Nacional de Turismo.
A igrexa presenta unha fachada renacentista cun interior gótico de transición. No seu interior atopamos elaboradas bóvedas e tamén un órgano barroco, actualmente fora de servizo. O altar maior é de estilo tamén barroco.
Non o perdas!
Monforte é un excelente punto de partida para coñecer moitos dos segredos de Ribeira Sacra, polo que te recomendamos visitar o mapa interactivo da nosa web para descubrir os principais puntos de interese aos que podes acceder.
Mosteiro de San Vicente do Pino
Información e contacto
Plaza Luis de Góngora y Argote
Monforte de Lemos
27400 Lugo
Equipamento e servizos
Accesibilidade
Que mellorarías?