Galería
Galería

Visitas guiadas A Pobra do Brollón 2022

Cinco visitas guiadas para coñecer os recunchos máis emblemáticos da Pobra do Brollón. Estarán en funcionamento desde o 3 de agosto e ata o 15 de setembro de 2022 e será necesaria reserva previa.

Ribeira Sacra, 29 de xullo de 2022

Como cada verán, o concello da Pobra do Brollón pon en marcha un conxunto de rutas e visitas guiados para coñecer os recunchos máis representativos do municipio. Nesta ocasión, serán 5 as visitas e ofreceranse baixo demanda, polo que será necesaria a reserva con antelación. 

As visitas realizaranse de mércores a domingo, do 3 de agosto ao 15 de setembro, ás 11:00 horas. 

 

#DÉIXATEGUIAR 2022

- PENAS DO CASTELO

Un intrigante xacemento colgado sobre o río Lor na paisaxe protexida do Courel. A través dos seus impresionantes vistas coñeceremos a paisaxe, historia e tradicións da parroquia de Salcedo, famosa polo Entroido do Oso, pero que esconde moitas máis sorpresas.

Duración: 1 hora 30 minutos

Desprazamentos en vehículos particulares


- A COVA DAS CHOIAS

Unha cova na que habita musgo luminiscente, colonias de morcegos e seres mitológicos.

Duración: 1 hora 30 minutos

Aforo limitado a 10 persoas e só 2 días á semana para protexer a flora e fauna da cova

Desprazamentos en vehículos particulares


- OS CONVENTOS

Coñece un lugar fascinante entre os viñedos da Ribeira Sacra, onde poderás coñecer a orixe desta paisaxe. En Os Conventos, ribeira do Val do Frade, realizáronse dúas campañas de escavación e as primeiras datacións científicas das terrazas da Ribeira Sacra. Estes resultados permiten coñecer a orixe e evolución desta paisaxe vitícola.

Duración: 1 hora 30 minutos

Desprazamentos en vehículos particulares

Visita combinable coa de Adegas de Vilachá e cata. 


- ADEGAS DE VILACHÁ

Un conxunto único de adegas tradicionais de orixe medieval. Ademais de coñecer o espazo, poderás entrar nalgunha adega, coñecer aos veciños e catar algún dos viños das ribeiras de Vilachá, incluídas na D.Ou. Ribeira Sacra.

Duración: 1 hora

Custo: 3€ (inclúe cata)


- CASTRO DE SAN LOURENZO

Un castro que conta cunha antiga igrexa e un cemiterio medieval. Coñece a historia do lugar e da parroquia de Cereixa a través dun proxecto de arqueoloxía en comunidade no que os veciños do pasado e do presente son os verdadeiros protagonistas.

Duración: 1 hora


INFORMACIÓN DAS VISITAS COMPLETA: http://www.concellodapobradobrollon.gal/

RESERVAS: 


 

Carteles Visitas Guiadas A Pobra do Brollón 2022