Audioguía

Miradoiro de Vilouxe

Nos límites co Concello de Parada de Sil atópase o lugar de Vilouxe. Debe deixarse o coche na entrada da aldea, nunha explanada xunto a capela, e desde aí atravesar a aldea e acceder ao miradoiro, posiblemente, máis impactante de cantos miran ao Canón do Sil; en total uns 800 metros.

Trátase dun miradoiro natural, sen ningunha intervención, polo que se recomenda achegarse con coidado a calquera dos dous puntos desde onde se pode divisar a imaxe máis icónica do Sil en Ribeira Sacra: : o meandro coñecido como Coto das Boedas, impresionante mole granítica de máis de 700 metros de altitude que cae vertical ao río nun desnivel que supera os 400 metros.