Muíño de Requeixo

Situado nos contrafortes da Serra do Caurel, este muíño aproveita as augas do río Lózara, que nace nas alturas de Santa Mariña, Lousarela e Gundriz, e flúe ata unirse co río Lor, tributario do Sil.

A existencia do muíño pérdese no tempo, sen rexistros documentais exactos sobre a súa construción. Con todo, consta unha solicitude de concesión de augas a principios do século XX. A súa estrutura de cachotería de pedra calcaria, con cubertas de lousa grosa, alberga un mecanismo composto principalmente por madeiras de castiñeiro e carballo.

O muíño conserva elementos de valor histórico, como cravos de ferro forxado de grandes dimensións.