Centro Museográfico de Instrumentos de Música de Raíz

O centro está establecido nunha vivenda rehabilitada de carácter tradicional en Seara, Quiroga. Nel atópanse numerosos instrumentos tradicionais recuperados por Xavier Blanco, que ademais da súa profesión como músico, dedicouse á recuperación e restauración destes, tales como a gaita de cana de Moaña ou a zanfona diatónica.

Ademais, o centro non se limita a ser un lugar meramente expositivo, pois os instrumentos non permanecen ocultos detrás de vitrinas, senón que pretende mostrar como se tocan e soan cada un deles, facendo aos visitantes partícipes desta experiencia en cada unha das súas salas temáticas. Cada visita é unha viaxe que conecta co pasado e coa identidade cultural galega dunha forma accesible e enriquecedora, ideal para todos os públicos.