Andainas Outonizas en A Pobra do Brollón 2018
O concello de A Pobra do Brollón ven de presentar un novo programa de actividades para este outono. Trátase dun ciclo de Andainas no que cada ruta responde a unha temática diferente e está protagonizada polos propios veciños do concello. Eles son os encargados de recibir e guiar aos participantes das rutas ao mesmo tempo que narran as súas historias ou comparten os seus coñecementos connosco.
O Ciclo de Andainas Outonizas celebrarase todos os domingos entre o 21 de outubro e o 2 de decembro.
Como complemento, o concello organiza os sábados "Visitas Outonizas" á Cova das Choias e ao Castro de San Lourenzo.
Teremos a visión poética de Olga Novo en Vilarmao ou a da Memoria histórica da man de Xurxo Ayán na ruta de Inverno de Eirexalva, o coñecemento forestal de Felipe Castro na Ruta da Castaña e o Mel, a cultura vinícola con Puri de Vilachá, a visión persoal de Hortensia no San Vitoiro e o apego ao territorio de Noelia" apunta o alcalde, Xosé Lois Maceda.
PROGRAMA ANDAINAS OUTONIZADAS “Da man de...”
- 21 OUTUBRO: Andaina de San Vitoiro, camiñando "Da man de" Hortensia, filla de Toño de A Teixeira. Finalizarase con un taquete no San Vitoiro.
- 28 OUTUBRO: Ruta poética por Vilarmao, "Da man de" Olga Novo, escritora. Ao final haberá petiscos e festa en aíraa da Casa do Peixe.
- 4 NOVEMBRO: Ruta da Castaña e o mel, "Da man de" Felipe Castro, axente forestal, que finalizará coa celebración dun magosto en Paramedela.
- 11 NOVEMBRO: Andaina O Inverno de Eirexalva "Da man de" Xurxo Ayán, arqueólogo. Finalizarase cun taquete campestre.
- 18 NOVEMBRO: As Pegadas do tempo na Ferreirúa; "Da man de" Noelia do Castor, para acabar cun taquete campestre.
- 25 NOVEMBRO: Ruta Vilachá-Augasmestas, "Da man de" Puri de Vilachá. Esta andaina finalizarase cuns petiscos nas adegas de Vilachá.
- 2 DECEMBRO: Camiño de Inverno: Lor-Castro de San Lourenzo. Para o punto e final a esta última andaina celebrarase un xantar no restaurante Ou Fogón.
Todas as andainas comezarán ás 10.00 da mañá. Teñen unha lonxitude máxima de 10 km. e un prezo de 5 euros. Para participar en cada unha das propostas é necesaria inscrición previa no teléfono 666 435 832.
Máis información:
http://www.concellodapobradobrollon.gal/es/
982 430 001 / 639 794 905 / 666 435 832