Castro Caldelas, un dos pobos máis bonitos de España

A Asociación de los Pueblos más bonitos de España decidiu incluír na súa selecta lista á vila de Castro Caldelas, que se proclamará oficialmente como tal o vindeiro venres 14 de xuño. 

O acto dará comezo ás 21:30 horas e celebrarase na Praza do Prado. Será conducido pola presentadora de televisión caldeá Lucía Rodríguez e estará presidido polos principais responsables políticos da provincia e a directora de Turismo de Galicia. Para festexar este importante acontecemento, o acto finalizará coa actuación do tenor Bernardino Atienza, a Real Banda de Gaitas de Ourense e a Banda de Gaitas Os Trabazos.