Trens Turísticos de Galicia 2026 en Ribeira Sacra

Ribeira Sacra, 24 de febreiro de 2026

Os xa clásicos Trens Turísticos de Galicia regresan este 2026 a Ribeira Sacra. Ata un total de tres trens tematizados percorrerán diferentes puntos do noso destino entre os meses de xuño e setembro. Rutas dun día que inclúen servizo de guía especializado durante todo o percorrido, os traxectos en ferrocarril, os traslados complementarios en autocar e todas as actividades e visitas programadas.

Os tres trens parten da Estación de Tren de Ourense, aínda que Renfe ofrece a posibilidade de traslado desde as estacións de tren de Santiago de Compostela e Vigo. 

A continuación, deixámosche as frecuencias, prezos e método de reserva para os trens turísticos de Galicia en Ribeira Sacra. 

SAÍDAS PROGRAMADAS:

• Tren da Ribeira Sacra (río Sil): 6 e 27 de xuño, 11 de xullo, 1 e 22 de agosto, 12 de setembro.
• Tren da Ribeira Sacra (río Miño): 13 de xuño, 5 e 26 de setembro.
• Tren de Valdeorras-Ribeira Sacra: 4 de xullo e 19 de setembro.

PREZO: 50€ adulto, 25€ nenos/as menores de 14 anos. 

Os trens turísticos de Galicia son unha iniciativa patrocinada e cofinanciada por Turismo de Galicia e INORDE.

Reservas e compra de billetes: RENFE (Aberta venda só para algúns trens. Trens de Ribeira Sacra proximamente á venda)