BTT - Circular de Parada
Esta ruta circular de trinta e tres quilómetros vainos levar a través de pistas e antigos camiños, a percorrer case toda a totalidade do concello de Parada de Sil; dende as zonas máis próximas ao canón ata as ladeiras do Monte Meda ou o encoro do Mao.
Cómo chegar O primeiro tramo desta ruta e compartido co final de BTT – Os Torgais, aínda que pronto a deixaremos atrás e ascenderemos ata o pobo de O Coutiño, onde enlazaremos coa ruta BTT – Circular de Nogueira. Comezaremos a gañar altura a medida que ascendemos pola ladeira do Monte Meda e teremos algunha boa vista panorámica sobre o territorio dos arredores.
Deixando atrás o monte descenderemos ata o encoro da Hedrada, que retén as augas do Mao permitíndonos circular a súa beira. Pasaremos por Pradomao e posteriormente descenderemos ata preto de San Lourenzo, dende onde acompañaremos o Canón do Sil ata chegar de novo a Parada.
Non o perdas!
Esta ruta pasa por moitas zonas de gran interese, se ben a nosa recomendación é a visita ao Mosteiro de Santa Cristina ou ao próximo miradoiro de Cabezoás.
BTT - Circular de Parada
Equipamento e servizos
Accesibilidade
Que mellorarías?