Casa das Landras

Antiga adega de pedra de principios do século XIX recentemente rehabilitada como vivenda de uso turístico. A casa é independente e está nunha ampla leira, rodeada de árbores centenarias, ideal para desconectar e estar en contacto coa natureza.

Situada nunha zona rural próxima ao canón do río Miño, resulta un enclave perfecto desde o que achegase a coñecer a Ribeira Sacra.

A casa alúgase completa, ten capacidade para oito persoas e distribúese en catro dormitorios dobres, tres baños con ducha e un salón con cociña incorporada. Conta con sistema de calefacción, e todas as estancias son exteriores e moi luminosas.