Casa de Abeledo

É unha casa independente rodeada dunha finca de 3.000 m2 na que se respira moita tranquilidade. É perfecta para familias, amigos (e mascotas!) que queiran compartir paseos polo campo, barbacoas ou charlas a carón do lume ou visitar Ribera Sacra.

A Casa de Abeledo é unha casa de labranza galega fundada en 1690 e rehabilitada con tódalas comodidades. A restauración do interior rematou en 2022 e fixémola con moito agarimo ao longo dos anos, ao mesmo tempo que a desfrutabamos e viamos crecer a nosa familia! Agora poñémola a vosa disposición para que a desfrutedes tanto coma nós. (Siguenos! Estamos en @casadeabeledo) Benvidos!

Na planta alta hai unha cociña de obra aberta ao salón con cheminea na que tendes todo o precisio para cociñar comodamente. Nesta mesma planta hai tres habitacións, unha principal con dúas camas individuais, outra con dúas camas individuais (están xuntas pero pódense separar) e unha terceira cunha litera de tres camas. A zona de salón ten un sofá e TV con conexión gratuíta a Netflix e Vodafone TV. Tamén hai un cuarto de baño con ducha de obra e un gran porche con zona de estar, mesa extensible para comer ao aire libre ata 10 persoas e barbacoa de carbón .

A planta baixa ten un salón moi amplo con outra cheminea para os incondicionais do lume. Un gran espazo con varios sofás e outra mesa para usos múltiples onde atopardes cartas, xogos de mesa, xoguetes e unha selección de libros para pequenos e maiores. Ten un dormitorio con dúas camas de 90 unidas en cama de matrimonio e un baño grande. Tamén ten a súa propia saída ao exterior para máis comodidade e independencia.

A casa conta con vitrocerámica, forno, lavavaixelas, microondas, secador de pelo, lavadora, 2 neveiras (unha baixo encimera e unha grande no cuarto da lavadora) batidora, expremedor e calefacción central con radiadores en tódalas estancias. Se botades algo en falla, por favor, dicídeo e farémovolo chegar o antes posible!

A finca está vallada a falla das portas de entrada que se instalarán antes de xullo de 2023. Pode haber ovellas soltas e corzos moi preto da casa.

Raul y Chelo

Vivimos en Madrid. Encántanos pasar tempo xuntos ou con amigos, desfrutar a vida sinxela, rírnos, comer ben e viaxar en familia cando podemos… :)

Tamén nos estrenamos como anfitrións da nosa casa de vacacións en Galicia, a Casa de Abeledo. Está nunha aldea no corazón da Ribera Sacra Lucense. Queres coñecela? Lleva con nós 18 anos... tantos como os que tardamos en rehabilitala!