O Salgueiral

O Salgueiral é unha bonita casa rural de 1911 totalmente rehabilitada, situada na Ribeira Sacra, nunha contorna privilexiada con fermosas vistas, moi preto do embarcadoiro de onde saen os catamaráns do Sil e de multitude de adegas, viñedos e miradoiros.

A casa é moi luminosa cunha ampla galería e un balcón con vistas á montaña. Conta con todas as comodidades para relaxarse e gozar dunha contorna inigualable.

Xiana

O meu nome é Xiana. O Salgueiral foi a antiga casa que construíron os meus bisavós a principios do S. XX, na que naceu a miña avoa materna e os seus irmáns/as. Despois de moitos anos de abandono, metémosnos no proxecto de rehabilitala e volver darlle vida. Ou Salgueiral é unha homenaxe á vida e o traballo do meu bisavó Modesto e a miña bisavoa Abelina.