Aula - Museo do Ferrocarril dos Peares

Nela, os visitantes poden gozar dunha interesante exposición sobre a Historia do Ferrocarril, con especial atención á estación de dos Peares: infraestruturas como aparellos e elementos de vía, sinalización, electrificación,...; lampistería (farois de iluminación de locomotoras, estacións, sinalización,...).

A colección conta con elementos de comunicación (centrais, billetaxe, reloxos,...) e uniformes e complétase con modelismo, xoguetes e arte. Así mesmo, no edificio principal atópase a cantina histórica dedicada a albergar a biblioteca relacionada coa mesma temática e á organización de actividades lúdicas coas que dar a coñecer a historia deste medio de transporte.