Castiñeiro do Souto da Ramigoa

Este exemplar é un castiñeiro podado de grandes dimensións. A tres metros e medio de altura aparecen as primeiras ramificacións. Trátase de pólas de pequeno tamaño debido aos aproveitamentos ao que foi sometido ata hai pouco, por un lado, e polo escaso vigor que esta árbore anciá presenta, por outro.
Atópase no medio dun pequeno souto formado por castiñeiros moito máis novos e vizosos, polo que hai gran competencia pola luz, os nutrientes e o espazo.