Centro de Interpretación Histórico e Museo da Escola

Centro de Interpretación Histórico e Cultural

Preséntase éste como unha viaxe ao interior dunha montaña, pero non desde o punto de vista xeolóxico, senón histórico, cultural e social.

Consta de diferentes salas:

- Terra de lume: presenta os catro elementos. Teremos a posibilidade de escoitar a auga ou ver o lume.

- Historia: en diferentes maletas atopamos o resultado da presenza romana, dos franceses, a emigración e o progreso.

- Flora e fauna: a súa presenza vémola a través de paneis e debuxos.

- Elementos tan característicos como a néboa e a choiva tamén están presentes. - Veremos tamén a poboación onte e hoxe.

Ao final do percorrido temos a posibilidade de ver un diaporama sobre os aspectos tratados, a través da imaxe.

Museo da Infancia e da Escola

Museo de titularidade privada e gratuíto, no que poderemos observar unha ampla mostra do que foi unha escola a finais do S. XIX e principios do S. XX.

Aquí atoparemos exemplares de cómics, mariquitas, recortables, libros de texto, urbanidade, relixión, novelas, lousas, teatrillos, xoguetes, material escolar, xogos, plumas, mapas, cartabones, enciclopedias, fotos, carteiras e un longo etcétera que nos mostra o que foron as súas xentes e axúdannos a entender o que hoxe en día son.

Os visitantes poden escribir nun libro de visitas con pluma e tinta, unha experiencia nova para os nenos.