Fervenza do Cachón

O río dos Vaos nace na montaña, a 800 metros de altitude, e descende por un encaixonado val ata desembocar no río Edo, que á súa vez é  un dos afluentes do río Sil. 

O acceso á fervenza faise por un frondoso camiño entre árbores autóctonas, polo cal nos atoparemos múltiples saltos de auga nunha paisaxe rochosa. A fervenza do Cachón está ao final do camiño e ten unha altura duns 6 metros que rematan nunha poza antes de continuar o seu camiño río abaixo.