Audioguía

Igrexa de Santiago de Carracedo

Trátase dunha igrexa de estilo barroco, aínda que se ven indicios de múltiples remodelacións. Situada sobre un pequeno promontorio o acceso faise pola porta norte, xa que na fachada principal están moi pegados o cemiterio e a casa reitoral.

Na porta norte, cuberta por un tellado, podemos ver un escudo, e no brazo da fachada norte outro. A igrexa ten planta de cruz latina, pero coa curiosidade de que os seus brazos teñen forma circular e están rematados por unha lanterna.

Anexa á igrexa atópase a casa reitoral, de gran construción e que presenta un escudo coa cruz de Santiago sobre a ventá da fachada principal.