Mural As Pandereteiras

Localizado nun palco da música, búscase a relación festiva coa cultura tradicional galega. O autor da obra escolleu a figura das pandereteiras para representar a idea de festexo sobre o escenario da música tradicional, como símbolo cultural, ademais de reivindicar e visibilizar a importancia do papel da muller en contextos rurais. 

A obra atópase no trazado do Camiño de Inverno a Santiago, ao seu paso por Moreda (Monforte de Lemos).

Obra realizada por Javier Carrera en 2022, dentro das actuacións do Pacto pola Paisaxe na Ribeira Sacra.