Mural "Historia de Portomarín"

Portomarín é sinónimo de Camiño de Santiago, polo que a figura central do mural non podía ser outra que un peregrino coa súa vestimenta tradicional.

Un sombreiro ancho, a concha de vieira, o zurrón e o bastón coa cabaza eran os elementos característicos dos peregrinos na Idade Media.

¿Recoñécelo? Este peregrino está inspirado no mítico Zapatones, que con esta indumentaria ambientaba a Praza do Obradoiro de Santiago de Compostela.

Por detrás do peregrino vemos dous elemetos do antigo Portomarín; o actual trasladouse pedra a pedra para evitar a crecida provocada polo encoro de Belesar, como son a Igrexa de San Xoán ou San Nicolás coa alameda ao seu lado, e a antiga ponte, que se pode ver na actualidade cando baixan as aguas do encoro.

A obra realizouna no anoo 2016 Abraham Caride (Abrah), dentro do proxecto "Un toque de cor en Ribeira Sacra".