Museo de Arte Sacra das Clarisas de Monforte

Fundado no 1622 por Catalina de la Cerda y Sandoval e Pedro Fernández de Castro, VII Condes de Lemos. Os condes áchanse enterrados no panteón condal do mosteiro no que Dona Catalina tomou os hábitos cando se quedou viúva.

A fachada principal é bastante austera, en contraposición cunha fachada lateral de maior calidade, isto débese a que a lateral foi construída con Dona Catalina en vida, mentres que a principal non, e os herdeiros realizaron importantes recortes nos gastos dedicados a súa construción.

Ao ser un mosteiro de clausura das Franciscanas Descalzas a súa visita interior non está permitida, pero si ao que era a antiga enfermería, que hoxe acolle o Museo das Clarisas. Un dos museos de arte sacro máis importante de toda España, grazas á custodia que facían estas monxas dos bens dos Condes de Lemos, a súa vez Virreis de Nápoles.

O museo conta con catro salas con fondos de ourivaría, pintura, escultura, relicarios e ornamentos relixiosos; pezas principalmente españolas e italianas dos séculos XVI e XVII.