[2022] XVIII Feira Outrora (Bóveda)
O evento dará comezo o xoves 14 ás 10:00 horas cunha exhibición de escultura con motoserra.
Ribeira Sacra, 11 de xullo de 2022
O Concello de Bóveda presenta a programación da XVIII Feira Outrora que se celebrará en Rubián o vindeiro xoves 14 de xullo ao longo de toda a xornada. Artesanía, obradoiros, cociña, música e xogos encherán unha xornada festa que coincidirá co día de feira local.
Participarán na tradicional feira máis dunha ducia de artesáns, membros de Artesanía de Galicia. Tamén se levarán a cabo dous obradoiros dirixidos ás familias e dous concertos na capela, así como xogos tradicionais e unha festa da espuma para os cativos.
A XVIII Feira Outrora suma como novidade este ano un showcooking de Tenreira Galega Suprema a cargo do chef Santi Almuíña.
PROGRAMACIÓN FEIRA OUTRORA 2022
10:00 h. Exhibición de Escultura con Motoserra
10:45 h. Pasarrúas co Grupo de Gaitas Municipal
11:00 h. Apertura das exposicións e venda de Artesanía de Galicia
11:00 h. Obradoiros de artesanía para familias
12:00 h. Showcooking e Degustación de Tenreira Galega Suprema a cargo do Chef Santi Almuiña (Restaurante Colón)
16:00 h. Obradoiros de artesanía para familias
18:00 h. Festa da Espuma
19:00 h. Xogos tradicionais
20:00 h. Concerto na capela: Dúo Ana Gayodo e Sara Méndez
21:00 h. Concerto na capela: Noemí Mazoy
22:00 h. Charanga e "Isco no Suizo"
23:00 h. Noite de Pasodobre
Máis información:
- 982426006 (Concello de Bóveda)
