Audioguía

Pazo Muíños de Antero

Este peculiar pazo de arquitectura afrancesada e decoración pictórica italianizante ten obras do pintor monfortino do XIX Manuel Pérez de Castinande. Edificouse entre os séculos XVIII e XIX, sendo un importante lugar administrativo de cobro de impostos, notaría ou xestión de bens da nobreza. Debido a esta función conta con un interesante sistema de seguridade a base de axexadoiros, moitos deles ocultos á vista.

Os seus actuais propietarios converteron algunhas das súas estancias en apartamentos, polo que é posible aloxarse nel e gozar na súa compañía, do seu impresionante arquivo no que destacan documentos da Orde de Malta sobre a Encomenda de Quiroga, liñaxe da que descenden os propietarios e da que se perdeu gran parte da documentación tralo paso das tropas napoleónicas polo Castelo dos Novais (Quiroga).