PR-G 138 Ruta Val do Glaciar de Prada
Comeza xunto a igrexa parroquial de San Miguel de Bidueira, unha xoia da arquitectura barroca do S. XVIII, coñecida popularmente como a "Catedral das Terras de Manzaneda".
Cómo chegar Seguindo o río Requeixo chégase á aldea abandonada de Prada, que conserva parte da Capela de San Bartolomeu, así como varias das súas tradicionais casas de alta montaña, utilizadas na actualidade como refuxio invernal para o gando.
Ademais, pódese contemplar unha excelente panorámica sobre o Circo Glaciar de Prada, que data de entre 50.000 e 10.000 anos atrás e que someteu estas montañas da Serra de Queixa e O Invernadeiro a un proceso de abrasión glaciar.
Dende Prada, pasando polo Pontón, A Biduela e O Salgueiro, a través de camiños de alta montaña e pequenas congostras, regrésase á aldea de San Miguel de Bidueira. Á altura de Requeixo, existe a posibilidade de coller unha derivación da ruta principal e visitar a aldea de Placín.
Que mellorarías?