Ruta Cicloturista Centro xeográfico de Galicia dende Chantada
ATENCIÓN: Ruta non sinalizada para bicicletas. Recoméndase o uso do GPS.
Cómo chegar Ruta lineal dende Chantada que conecta co Centro Xeográfico de Galicia en Antas de Ulla, discorrendo aproximadamente a metade do trazado no xeodestino Ribeira Sacra.
Sen ter cotas altas é un percorrido lixeiramente esixente pola orografía irregular da zona pola que discorre e polo seu trazado sempre ascendente. Os seus 34 quilómetros de lonxitude repártense, practicamente ao 50%, entre tranquilas pistas asfaltadas e outras con firme natural. Por iso é polo que a dificultade técnica é contida.
A contorna pola que discorre está situada nas comarcas de Chantada, Deza e finalmente na Ulloa. Xusto no límite das dúas primeiras o trazado pasa polo Monte Faro onde se pode visitar a Ermida de Nosa Señora do Faro. Sinalar que os primeiros quilómetros comparten trazado co Camiño de Santiago o que significa outro valor engadido a ter en conta e que enriquece a experiencia do ciclista.
Tipo de firme: 4% estrada (1,37 km), 51% pista asfaltada (17,57 km), 30% pista sen asfaltar (10,29 km), 15% camiños e sendas (5,05 km).
Desnivel acumulado positivo: 927 m
Accede ao PDF da ficha de ruta aquí.
Ruta Cicloturista Centro xeográfico de Galicia dende Chantada
Equipamento e servizos
Accesibilidade
Que mellorarías?