Reitoral de Chandrexa

A vella "casa do cura" harmoniza coa tranquilidade e beleza da contorna.

Gústanos coidar a terra de forma ecolóxica e compartir os froitos da nosa horta, o noso pan, o noso viño,...o sabor das cousas ben feitas. A casa atópase moi próxima ao Canón do Sil e do río Mao, tamén ao incomparable mosteiro de Santa Cristina.

Xurxo López

Son Xurxo e serei o voso anfitrión principal. Atopei aquí fai máis de vinte anos o lugar onde expresar a miña paixón e dar o mellor de min mesmo; é o coidado da terra, o amor pola natureza e a busca da harmonía, nun sentido amplo. Desde cultivar alimentos de forma ecolóxica, facer o pan ou cociñar; a coñecer, valorar e coidar a beleza da paisaxe natural e cultural que nos rodea e sostén.