Túnel de Montefurado

Na actualidade o túnel ten unha lonxitude duns 52 metros, pero no ano 1934 unha gran riada provocou o derrube da metade do túnel, que orixinalmente tiña uns 120 metros, e éste quedou tapiado e devolveu ao río polo seu antigo canal, anegando terras e cultivos.

O río non volve a circular polo túnel ata 1941 xa que novas riadas e a Guerra Civil Española impediron que se finalizase a reparación, trala cal as terras polas que circulou o río quedáronse como humidais de gran biodiversidade.

Este derrubamento supón que non existan restos na actualidade do castelo que se situaba sobre o túnel, o cal pódese atopar en diversos documentos gráficos e nas historias do lugar.

Outra teoría sobre o aproveitamento aurífero indica que o túnel, debido ao seu deseño, sería unha xigantesca “máquina” de lavado de lodos, para separar o metal precioso.

Toda a contorna de Montefurado, así como outros lugares de Quiroga e Ribas de Sil amosan a importancia que tivo a extracción do ouro na época do Imperio Romano.