Xeomiradoiro de Campodola

Este espazo ten un importante valor xeolóxico por tratarse dun elemento constituído por unha formación xeolóxica senlleira con interese científico que se conserva practicamente intacto desde o Carbonífero inferior.

Neste pregamento, grazas á erosión e ao encaixamento do río Ferreiriño, apréciase con total nitidez este proceso xeolóxico, deixando ao descuberto a súa estrutura interna nun gran corte transversal.

En virtude da desaparición da terra e a cuberta vexetal, na actualidade pódese observar dun xeito claro os fenómenos xeolóxicos que o formaron. En conxunto forma un espectáculo natural con poucos puntos de comparación no continente europeo.