Itinerario de Interese Paisaxístico
Os itinerarios Chantada - Ponte Nova dos Peares e Soutochao - Mosteiro de Santo Estevo de Ribas de Sil, forman parte da Proposta de Rede de Itinerarios de Interese Paisaxístico.
Dentro da Proposta de Rede hai catro tipos de itinerarios:
- Senda dos Faros
- Itinerarios de interese paisaxístico con valores naturais
- Itinerarios de interese paisaxístico con valores patrimoniais e
- Itinerarios con valores panorámicos.
Neste último grupo (itinerarios con valores panorámicos) é no que se encadran estes dous itinerarios.
Ambos teñen un alto valor paisaxístico, tanto polas panorámicas que ofrecen sobre o curso dos ríos Miño e Sil, ó longo dos miradoiros que se atopan ao seu paso, como polo valor dos recursos patrimoniais e dos bosques que acompañan todo o itinerario.
