Cómo chegar Observatorio turístico de Ribeira Sacra
Os datos turísticos sobre Ribeira Sacra están dispersos, recollidos en fontes diversas e fragmentados tanto polo ámbito territorial (municipios, provincias) como por ámbito temático ou subsector, dificultando enormemente contar con datos fiables e actualizados.
Desde a finalización do Plan de Desenvolvemento Turístico en 2007, o Consorcio de Turismo non conta con datos de diagnose nos que basear una correcta planificación estratéxica na xestión turística do destino.
É por tanto necesario dispoñer de ferramentas tecnolóxicas coas variables suficientes para coñecer as características, comportamento e evolución da demanda turística en Ribeira Sacra nun dobre escenario, real e dixital. Mentres que o real permitirá analizar o volume de visitantes no xeodestino e tomar decisións no que a mobilidade se refire, o dixital permitirá a definición de estratexias de comunicación, a mellora de contidos web ou coñecer a reputación online de Ribeira Sacra, entre outros.
Data realización: en execución
Esta acción enmárcase dentro da Liña de Actuación 4 do Plan de Sostibilidade Turística Ribeira Sacra e está cofinanciada pola Secretaría de Estado de Turismo, Axencia de Turismo de Galicia e Consorcio de Turismo Ribeira Sacra.
Que mellorarías?