PR-G 177 Ruta do Canón do Río Mao

A ruta comeza na coñecida como Fábrica da Luz, unha antiga central hidroeléctrica reconvertida en albergue. Ascenderemos por unha considerable pendente ata chegar a San Lourenzo de Barxacova, onde se atopa unha necrópole medieval con varias tumbas escavadas na rocha. Dende aquí a ruta avanza sen apenas pendente polo canón do río Mao a través dun estreito sendeiro, permitindo unhas fantásticas vistas panorámicas. Máis adiante abandonaremos o canón e a través de campos de pasto e cultivo pasaremos por varios pobos, como Forcas e A Miranda. Chegaremos de novo a San Lourenzo, onde se pode observar unha boa visión panorámica sobre o canón do río Sil, e descenderemos ata chegar ao leito do río Mao. Por último, ascenderemos por unha pasarela de madeira acompañando ao río ata chegar ao punto de partida.