Ruta de Augacaída-Castro de Marce

Esta ruta comeza na estrada que leva a Marce, nunha curva onde se atopa sinalizado o inicio do carreiro. Discorre por un camiño que descende entre o arboredo. Baixamos ao redor dun quilómetro e temos dúas opcións, tomar o camiño que nos leva á Fervenza de Augacaída ou continuar cara o Castro de Marce. A fervenza é unha das máis altas de Galicia e a baixada é o tramo máis complicado da ruta, aínda que actualmente pódese realizar por unhas pasarelas de madeira que facilitan o descenso. 

Ao longo da senda, atópanse varios restos de arquitectura popular, como os refuxios para gañado, pero o máis interesante é o Castro de Marce. Este antigo poboado castrexo sitúase no alto dun montículo, cuxa altura permite gozar dunhas espectaculares vistas do Miño.