Cómo chegar 
Creación de produto "Hall Escape Niñodaguia"
A de Niñodaguia é unha das dúas olerías tradicionais de Ribeira Sacra e das poucas que perduran en activo en Galicia. Na localidade homónima existe un museo que pon en valor esta tradición.
Pese á súa importancia, o número de visitantes ao museo é mínimo en comparación co resto de espazos expositivos de Ribeira Sacra, afrontando na actualidade un importante problema de sostibilidade económica.
Co fin de paliar esta situación, o Consorcio de Turismo propón un reformulamento na estratexia de visitas, mediante a creación dun novo produto turístico que consiga atraer a novos segmentos de turistas. Seguindo a liña de “Búskalo en Ribeira Sacra”, e apoiado e fundamentado do éxito desta iniciativa posta en marcha con anterioridade polo Consorcio de Turismo, propúxose a creación dun hall escape no interior do museo.
O hall escape basease na dinámica das tradicionais salas de escape, coa diferencia de que o primeiro non busca saír dun espazo físico (escape room), senón resolver unha serie de crebacabezas para gañar a “partida”. Trátase dun produto novidoso e sen precedente na rede museística do destino.
Data realización: outubro 2022
Ligazón para reserva: https://turismo.ribeirasacra.org/hall-escape-ninodaguia
Esta acción enmárcase dentro da Liña de Actuación 4 do Plan de Sostibilidade Turística Ribeira Sacra e está cofinanciada pola Secretaría de Estado de Turismo, Axencia de Turismo de Galicia e Consorcio de Turismo Ribeira Sacra.
Que mellorarías?