Mural "Xoias da Ribeira Sacra - Perlas vermellas"

Trátase da primeira obra realizada polo recoñecido artista Mon Devane en Ribeira Sacra. A intervención localízase na fachada dun edificio preto da Praia Fluvial de San Clodio.

Tanto nesta obra como no mural realizado na localidade de Quiroga (Xoias da Ribeira Sacra II - Pebida de Ouro), o artista optou por reflectir algúns dos elementos máis característicos da gastronomía da Ribeira Sacra a modo de xoias.

No caso de Ribas de Sil, a cereixa foi o produto escollido, debido á importancia que esta froita ten na vila. De feito, todos os anos en xuño celébrase na localidade a Festa da Cereixa.

Obra realizada por Mon Devane en 2021, dentro das actuacións do Pacto pola Paisaxe na Ribeira Sacra.