BTT - Circular de Castro Caldelas
Esta pequena ruta con saída desde o centro urbano de Castro Caldelas móstranos os bosques de castiñeiros centenarios que rodean esta vila. Trátase dunha ruta moi sinxela e apta para todos os niveis de dificultade.
Cómo chegar Durante este percorrido destacan as aldeas en ruínas de Entrambasaugas e O Rosario e as panorámicas sobre o Val de Abeleda. No quilómetro 3 o ciclista poderá conectarse coa ruta Circular dos bosques e viñas e seguir pedaleando por esta gran circular do centro BTT Ribeira Sacra que une os concellos de Castro Caldelas e A Teixeira.
Á altura de Valverde, poderemos visitar a capela de San Amaro, fóra de ruta pero ben sinalizada. Seguimos pedaleando ata penetrarnos no Souto de Poboeiros, recoñecido outrora pola excelente calidade das súas castañas e madeira. Trátase dun bosque moi frondoso no que comeza unha ascensión suave entre castiñeiros centenarios que nos acompañará ata atoparnos coas primeiras casas da vila de Castro Caldelas.
Equipamento e servizos
Accesibilidade
Que mellorarías?