Cómo chegar Servizo de lanzadeira Escairón - Praia da Cova
Co fin de minimizar os problemas de conxestión que adoita ter a Praia da Cova, un dos recursos máis visitados da ribeira do Miño, o Consorcio de Turismo pon a disposición un servizo de lanzadeira que conecta Escairón coa praia fluvial.
A iniciativa entrou en funcionamento na tempada 2022, entre o 1 de xullo de 2022 e o 7 de setembro de 2022. Contaba cunha capacidade de 20 prazas e saídas cada hora desde a capitalidade do municipio do Saviñao. Estableceuse como un servizo de carácter gratuíto para visitantes e veciños/as.
Para a reserva de prazas habilitouse un espazo na plataforma de entradas do Consorcio de Turismo, método posto en marcha polo CTRS en 2020 como medida de contro de aforo nos recursos turísticos.
En 2023, renóvase o servizo, con novas frecuencias e paradas intermedias, ademais de conexión co embarcadoiro de Belesar, entrando en funcionamento o 15 de xullo e estendéndose ata o 30 de agosto de 2023. O número de prazas habilitado é de 16 por traxecto.
Data funcionamento: 1 xullo ao 7 setembro de 2022 | 15 xullo ao 30 agosto 2023
Ligazón para reservas (2023): https://turismo.ribeirasacra.org/gl/lanzadeiras-ribeira-sacra-2023
Ligazón para reservas (2024): https://turismo.ribeirasacra.org/gl/lanzadera-ribeira-sacra-2024
Esta acción enmárcase dentro da Liña de Actuación 1 do Plan de Sostibilidade Turística Ribeira Sacra e está cofinanciada pola Secretaría de Estado de Turismo, Axencia de Turismo de Galicia e Consorcio de Turismo Ribeira Sacra.
Que mellorarías?