BTT - Circular da Teixeira

A ruta comeza polos bosques do monte da Carosa ata chegar a Cristosende, un miradoiro privilexiado desde onde gozar da contorna que nos rodea. Desde aí penetrámonos no primeiro val, o do Mao, descendendo entre viñedos e con vistas ás famosas pasarelas do río Mao, un paseo de madeira de 1,8 quilómetros de lonxitude que recomendamos percorrer. Podemos achegarnos a este lugar seguindo a ligazón sinalizada en ruta de 2 quilómetros que nos permite chegar á “Fábrica da Luz”, punto de inicio desta espectacular pasarela e da ruta BTT Fábrica da Luz. Desde ese punto afrontamos un ascenso en paralelo ao Canón do río Sil; no seu transcurso poderemos contemplar os seus famosos viñedos en bancales ata chegar a Portela. Seguimos pedaleando sobre o Val de Abeleda, que combina unha longa tradición vitícola e un gran atractivo paisaxístico. Nos quilómetros finais poderemos contemplar ao fondo a vila de Castro Caldelas co seu famoso castelo antes de regresar á Teixeira