Podería definirse Ribeira Sacra coma un dos segredos mellor gardados da Galicia interior. Integran este destino un conxunto de vinteseis concellos do sur da provincia de Lugo e o norte da provincia de Ourense, co curso fluvial dos ríos Miño, Sil, Cabe e Bibei como elemento aglutinador.

Ribeira Sacra ofrece unha ampla variedade de experiencias lúdicas e gastronómicas, e unha ampla gama de produtos locais de altísima calidade distinguidos con marcas de garantía da súa orixe.

Facilitámosche un directorio dos establecementos de restauración e aloxamento que podes atopar en Ribeira Sacra, así como actividades e oferta complementaria que che axudará a planificar a túa viaxe e a organizar unha estancia á túa medida.